மந்த்ர புஷ்பம் - Mantra Pushpam

தமிழ்	Transliteration
ப॒⁴த்³ரம் கர்ணே॑பி⁴: ஷ்ருணு॒யாம॑ தே³வா: । ப॒⁴த்³ரம் ப॑ஷ்யேமா॒க்ஷபி॒⁴ர்யஜ॑த்ரா: । ஸ்தி॒²ரைரங்கை᳚³ஸ்துஷ்டு॒வாக்³ம்ஸ॑ஸ்த॒னூபி॑⁴: । வ்யஷே॑ம தே॒³வஹி॑தம்॒ யதா³யு: ॥ ஸ்வ॒ஸ்தி ந॒ இந்த்³ரோ॑ வ்ரு॒த்³த⁴ஷ்ர॑வா: । ஸ்வ॑ஸ்தி ந: பூ॒ஷா வி॒ஷ்வவே॑தா³: । ஸ்வ॒॒ஸ்தின॒ஸ்தார்க்ஷ்யோ॒ அரி॑ஷ்டனேமி: । ஸ்வ॒ஸ்தி நோ॒ ப்³ருஹ॒ஸ்பதி॑ர்த³தா⁴து ॥ ஓம் ஷாந்தி: ஷாந்தி: ஷாந்தி: ॥	bhadraṃ karṇebhiḥ śṛṇuyāma devāḥ | bhadraṃ paśyemākṣabhir yajatrāḥ | sthirair aṅgais tuṣṭuvāṃsas tanūbhiḥ | vyaśema devahitaṃ yadāyuḥ || svasti na indro vṛddhaśravāḥ | svasti naḥ pūṣā viśvavedāḥ | svasti nas tārkṣyo ariṣṭanemiḥ | svasti no bṛhaspatir dadhātu || oṃ śāntiḥ śāntiḥ śāntiḥ ||
யோ॑பாம் புஷ்பம்॒ வேத॑³ । புஷ்ப॑வான் ப்ர॒ஜாவா᳚ன் பஷு॒மான் ப॑⁴வதி । ச॒ந்த்³ரமா॒ வா அ॒பாம் புஷ்பம்᳚ । புஷ்ப॑வான் ப்ர॒ஜாவா᳚ன் பஷு॒மான் ப॑⁴வதி । ய ஏ॒வம் வேத॑³ । யோ॑பாமா॒யத॑னம்॒ வேத॑³ । ஆ॒யத॑னவான் ப⁴வதி ॥	yo'pāṃ puṣpaṃ veda | puṣpavān prajāvān paśumān bhavati | candramā vā apāṃ puṣpam | puṣpavān prajāvān paśumān bhavati | ya evaṃ veda | yo'pām āyatanaṃ veda | āyatanavān bhavati ||
அ॒க்³நிர்வா அ॒பாமா॒யத॑னம் । ஆ॒யத॑னவான் ப⁴வதி । யோ᳚க்³நேரா॒யத॑னம்॒ வேத॑³ । ஆ॒யத॑னவான் ப⁴வதி । ஆபோ॒வா அ॒க்³நேரா॒யத॑னம் । ஆ॒யத॑னவான் ப⁴வதி । ய ஏ॒வம் வேத॑³ । யோ॑பாமா॒யத॑னம்॒ வேத॑³ । ஆ॒யத॑னவான் ப⁴வதி ॥	agnir vā apām āyatanam | āyatanavān bhavati | yo'gner āyatanaṃ veda | āyatanavān bhavati | āpo vā agner āyatanam | āyatanavān bhavati | ya evaṃ veda | yo'pām āyatanaṃ veda | āyatanavān bhavati ||
வா॒யுர்வா அ॒பாமா॒யத॑னம் । ஆ॒யத॑னவான் ப⁴வதி । யோ வா॒யோரா॒யத॑னம்॒ வேத॑³ । ஆ॒யத॑னவான் ப⁴வதி । ஆபோ॒ வை வா॒யோரா॒யத॑னம் । ஆ॒யத॑னவான் ப⁴வதி । ய ஏ॒வம் வேத॑³ । யோ॑பாமா॒யத॑னம்॒ வேத॑³ । ஆ॒யத॑னவான் ப⁴வதி ॥	vāyur vā apām āyatanam | āyatanavān bhavati | yo vāyor āyatanaṃ veda | āyatanavān bhavati | āpo vai vāyor āyatanam | āyatanavān bhavati | ya evaṃ veda | yo'pām āyatanaṃ veda | āyatanavān bhavati ||
அ॒ஸௌ வை தப॑ன்ன॒பாமா॒யத॑னம் । ஆ॒யத॑னவான் ப⁴வதி । யோ॑முஷ்ய॒தப॑த ஆ॒யத॑னம்॒ வேத॑³ । ஆ॒யத॑னவான் ப⁴வதி । ஆபோ॒ வா அ॒முஷ்ய॒தப॑த ஆ॒யத॑னம் । ஆ॒யத॑னவான் ப⁴வதி । ய ஏ॒வம் வேத॑³ । யோ॑பாமா॒யத॑னம்॒ வேத॑³ । ஆ॒யத॑னவான் ப⁴வதி ॥	asau vai tapann apām āyatanam | āyatanavān bhavati | yo'muṣya tapata āyatanaṃ veda | āyatanavān bhavati | āpo vā amuṣya tapata āyatanam | āyatanavān bhavati | ya evaṃ veda | yo'pām āyatanaṃ veda | āyatanavān bhavati ||
ச॒ந்த்³ரமா॒ வா அ॒பாமா॒யத॑னம் । ஆ॒யத॑னவான் ப⁴வதி । யஷ்ச॒ந்த்³ரம॑ஸ ஆ॒யத॑னம்॒ வேத॑³ । ஆ॒யத॑னவான் ப⁴வதி । ஆபோ॒ வை ச॒ந்த்³ரம॑ஸ ஆ॒யத॑னம் । ஆ॒யத॑னவான் ப⁴வதி । ய ஏ॒வம் வேத॑³ । யோ॑பாமா॒யத॑னம்॒ வேத॑³ । ஆ॒யத॑னவான் ப⁴வதி ॥	candramā vā apām āyatanam | āyatanavān bhavati | yaś candramasa āyatanaṃ veda | āyatanavān bhavati | āpo vai candramasa āyatanam | āyatanavān bhavati | ya evaṃ veda | yo'pām āyatanaṃ veda | āyatanavān bhavati ||
நக்ஷத்ர॑த்ராணி॒ வா அ॒பாமா॒யத॑னம் । ஆ॒யத॑னவான் ப⁴வதி । யோ நக்ஷத்ர॑த்ராணாமா॒யத॑னம்॒ வேத॑³ । ஆ॒யத॑னவான் ப⁴வதி । ஆபோ॒ வை நக்ஷ॑த்ராணாமா॒யத॑னம் । ஆ॒யத॑னவான் ப⁴வதி । ய ஏ॒வம் வேத॑³ । யோ॑பாமா॒யத॑னம்॒ வேத॑³ । ஆ॒யத॑னவான் ப⁴வதி ॥	nakṣatrāṇi vā apām āyatanam | āyatanavān bhavati | yo nakṣatrāṇām āyatanaṃ veda | āyatanavān bhavati | āpo vai nakṣatrāṇām āyatanam | āyatanavān bhavati | ya evaṃ veda | yo'pām āyatanaṃ veda | āyatanavān bhavati ||
ப॒ர்ஜன்யோ॒ வா அ॒பாமா॒யத॑னம் । ஆ॒யத॑னவான் ப⁴வதி । ய: ப॒ர்ஜன்ய॑ஸ்யா॒யத॑னம்॒ வேத॑³ । ஆ॒யத॑னவான் ப⁴வதி । ஆபோ॒ வை ப॒ர்ஜன்ய॑ஸ்யா॒யத॑னம் । ஆ॒யத॑னவான் ப⁴வதி । ய ஏ॒வம் வேத॑³ । யோ॑பாமா॒யத॑னம்॒ வேத॑³ । ஆ॒யத॑னவான் ப⁴வதி ॥	parjanyo vā apām āyatanam | āyatanavān bhavati | yaḥ parjanyasyāyatanaṃ veda | āyatanavān bhavati | āpo vai parjanyasyāyatanam | āyatanavān bhavati | ya evaṃ veda | yo'pām āyatanaṃ veda | āyatanavān bhavati ||
ஸம்॒வ॒த்ஸ॒ரோ வா அ॒பாமா॒யத॑னம்॒ । ஆ॒யத॑னவான் ப⁴வதி । ய: ஸம்॑வத்ஸ॒ரஸ்யா॒யத॑னம்॒ வேத॑³ । ஆ॒யத॑னவான் ப⁴வதி । ஆபோ॒ வை ஸம்॑வத்ஸ॒ரஸ்யா॒யத॑னம் । ஆ॒யத॑னவான் ப⁴வதி । ய ஏவம் வேத॑³ । யோ᳚ப்²ஸு நாவம்॒ ப்ரதி॑ஷ்டி²தாம்॒ வேத॑³ । ப்ரத்யே॒வ தி॑ஷ்ட²தி ॥	saṃvatsaro vā apām āyatanam | āyatanavān bhavati | yaḥ saṃvatsarasyāyatanaṃ veda | āyatanavān bhavati | āpo vai saṃvatsarasyāyatanam | āyatanavān bhavati | ya evaṃ veda | yo'psu nāvaṃ pratiṣṭhitāṃ veda | pratyeva tiṣṭhati ||
ஓம் ரா॒ஜா॒தி॒⁴ரா॒ஜாய॑ ப்ரஸஹ்ய ஸா॒ஹினே᳚ । நமோ॑ வ॒யம் வை᳚ஷ்ரவ॒ணாய॑ குர்மஹே । ஸ மே॒ காமா॒ன் காம॒ காமா॑ய॒ மஹ்யம்᳚ । கா॒மே॒ஷ்வ॒ரோ வை᳚ஷ்ரவ॒ணோ த॑³தா³து । கு॒பே॒³ராய॑ வைஷ்ரவ॒ணாய॑ । ம॒ஹா॒ராஜாய॒ நம: ॥	oṃ rājādhirājāya prasahya sāhine | namo vayaṃ vaiśravaṇāya kurmahe | sa me kāmān kāma kāmāya mahyam | kāmeśvaro vaiśravaṇo dadātu | kuberāya vaiśravaṇāya | mahārājāya namaḥ ||
ஓம்᳚ தத்³ப்³ர॒ஹ்ம । ஓம்᳚ தத்³வா॒யு: । ஓம்᳚ ததா॒³த்மா । ஓம்᳚ தத்²ஸ॒த்யம் । ஓம்᳚ தத்ஸர்வம்᳚ । ஓம்᳚ தத்புரோ॒ர்னம: ॥	oṃ tad brahma | oṃ tad vāyuḥ | oṃ tad ātmā | oṃ tat satyam | oṃ tat sarvam | oṃ tat puror namaḥ ||
அந்தஷ்சரதி॑ பூ⁴தே॒ஷு கு³ஹாயாம் வி॑ஷ்வமூ॒ர்திஷு । த்வம் யஜ்ஞஸ்த்வம் வஷட்காரஸ்த்வ-மிந்த்³ரஸ்த்வக்³ம் ருத்³ரஸ்த்வம் விஷ்ணுஸ்த்வம் ப்³ரஹ்மத்வம்॑ ப்ரஜா॒பதி: । த்வம் த॑தா³ப॒ ஆபோ॒ ஜ்யோதீ॒ரஸோ॒ம்ருதம் ப்³ரஹ்ம॒ பூ⁴ர்பு⁴வ॒ஸ்ஸுவ॒ரோம் ।	antaścarati bhūteṣu guhāyāṃ viśvamūrtiṣu | tvaṃ yajñas tvaṃ vaṣaṭkāras tvam indras tvaṃ rudras tvaṃ viṣṇus tvaṃ brahma tvaṃ prajāpatiḥ | tvaṃ tad āpa āpo jyotī raso'mṛtaṃ brahma bhūr bhuvas suvar oṃ |
ஈஷானஸ்ஸர்வ॑ வித்³யா॒னாமீஷ்வரஸ்ஸர்வ॑பூ⁴தா॒னாம் ப்³ரஹ்மாதி॑⁴பதி॒-ர்ப்³ரஹ்ம॒ணோதி॑⁴பதி॒-ர்ப்³ரஹ்மா॑ ஷி॒வோ மே॑ அஸ்து ஸதா³ஷி॒வோம் ।	īśānas sarva-vidyānām īśvaras sarva-bhūtānām brahmādhipatir brahmaṇo'dhipatir brahmā śivo me astu sadāśivom |
தத்³விஷ்ணோ:᳚ பர॒மம் ப॒த³க்³ம் ஸதா॑³ பஷ்யந்தி ஸூ॒ரய: । தி॒³வீவ॒ சக்ஷு॒ராத॑தம் । தத்³விப்ரா॑ஸோ விப॒ன்யவோ॑ ஜாக்³ரு॒வாக்³ம் ஸஸ்ஸமி॑ந்த⁴தே । விஷ்னோ॒ர்யத்ப॑ர॒மம் ப॒த³ம் ।	tad viṣṇoḥ paramaṃ padaṃ sadā paśyanti sūrayaḥ | divīva cakṣur ātatam | tad viprāso vipanyavo jāgṛvāṃsas samindhate | viṣṇor yat paramaṃ padam ||
ருதக்³ம் ஸ॒த்யம் ப॑ரம் ப்³ர॒ஹ்ம॒ பு॒ருஷம்॑ க்ருஷ்ண॒பிங்க॑³லம் । ஊ॒ர்த்⁴வரே॑தம் வி॑ரூபா॒க்ஷம்॒ வி॒ஷ்வரூ॑பாய॒ வை நமோ॒ நம: ॥	ṛtaṃ satyaṃ paraṃ brahma puruṣaṃ kṛṣṇapiṅgalam | ūrdhvaretaṃ virūpākṣaṃ viśvarūpāya vai namo namaḥ ||
ஓம் நா॒ரா॒ய॒ணாய॑ வி॒த்³மஹே॑ வாஸுதே॒³வாய॑ தீ⁴மஹி । தன்னோ॑ விஷ்ணு: ப்ரசோ॒த³யா᳚த் ॥	oṃ nārāyaṇāya vidmahe vāsudevāya dhīmahi | tanno viṣṇuḥ pracodayāt ||
ஓம் ஷாந்தி: ஷாந்தி: ஷாந்தி: ।	oṃ śāntiḥ śāntiḥ śāntiḥ ||